Santa Ageda bezpera 2020

2021/02/08

Iragan otsailaren 4an, Santa Ageda bezperan kantatzeko ohitura zaharra lehengo aldiz ospatu genuen Iparralde institutuan.

DBH 3. mailako ikasleak koplak kantatzen

DBH 3. mailako ikasleek musikako irakasleekin Euskal Herriko ohitura hau landu eta kopla berezia prestatu zuten ohikoei gehitzeko. Atsedenaldian DBH 1. mailako ikasleen begiradapean eta ikastetxeko langileen laguntzaz kantuan aritu ziren makilekin lurra neguko loaz esnarazteko kolpeka zebiltzan bitartean.

DBH 3. mailako ikasleek kantatutako koplak

Ekintzak sorpresaz harrapatu zituen DBH 4. mailako ikasleak eta haiek ere haien koplak sortu eta kantuan aritzera animatu ziren. Azken hauek Sandua Pasealekuan, kaleko jendearen begiradapean.

DBH 4. mailako ikasle batzuk koplak kantatzen

Espero dugu ohitura zahar hau ospatzearena ohitura berri bihurtzea hemendik aurrera gure ikastetxean.

DBH 4. mailako ikasleek sortutako koplak