Robotika Tailerreko lanen erakusketa

2023/07/02

DBH 3. mailako Robotika Tailerra ikasgaiaren amaieran ikasleek proiektu libre bat egiten dute. Oinarritzat mBot motako robot bat erabilita haien inguruko arazo bati aurre egiteko produktu teknologiko adimentsua diseinatu, eraiki eta programatu behar izan zuten. Ideia ezberdin asko izan zituzten eta denek lortu zuten haien makinak funtzionatzea.

Ekipoak partekatu behar izan zituztenez ezin izan genuen lanen erakusketa egin. Haien proiektuen bideoak grabatu zituzten eta ondoren guztien muntaia egin zen erakusketa moduan. Hemen duzue bideoa ikusgai.