Odisea, liburutegi digitala abian! - Iparralde DBHI - Ikasnova

Dagoeneko Iparralde institutuko ikasle eta irakasleok erabilgarri daukagu Odisea eskola-liburutegi digitala. Ikasle eta irakasleen zerbitzura momentuz 5.000 liburu jartzen dituen gunea da, haur eta gazte literatura eleanitza aurki daiteke bertan, euskaraz, gaztelaniaz, ingelesez edota frantsesez.

Momentuz froga garaian dago, baina jadanik katalogo digitalera sar gaitezke eta liburuak maileguan hartu: sarrera (edo deskarga) e-book irakurgailuen bitartez egin daiteke, telefono mugikorren bitartez, tablet edo ikasleen Chromebooken bitartez;gainera, liburuak streaming bidez irakur daitezke, hots, interneterako konexioarekin, liburua deskargatuz edota offline moduan nabigatzailearen bitartez.

Aurrerago aukera gehiago izanen ditugu (irakurle taldeak sortzeko, adidibidez) eta liburuen eskaintza handituz joanen da, liburutegi hau bestelako argitaletxe plataformekin lotu baita eta uneoro gehituko zaizkio izenburu berriak. Familiek ere erabiltzeko aukera izanen dute, baina oraingoz soilik irakasle eta ikasleok erabiltzen ahal dugu.

ODISEA erabiltzeko azalpenak, tutorial moduan, Hezkuntzako Youtube kanalean aurkitu daitezke: https://www.youtube.com/watch?v=yLQoa-WR72Q

Argibide laburrak:

• Nola sartu?

Odisearen helbidera jo: https://odisea.odilotk.es/opac/#indizea

Educako erabiltzailea (soilik educakoa, @rik gabe) eta zuen educako pasahitza.

• Nola bilatu?

Bilatzailean bilatzen ari garen izenburua jarri. Bestela, saltseatu nahi izanez gero, bilaketa zuriz egin eta dauden emaitza guztiak agertuko zaizkigu.

• Zenbat denborarako?

21 egun eta bi izenburu aldi berean.

• Epea amaituta zer?

Liburuak itzultzen ahal ditugu. Bestela ez da ezer gertatzen, 21 egun pasata desagertuko zazkigu eta listo.

• Orduan, itzultzeko aukera zertarako?

Demagun bi liburu hartu ditudala. Horietako bat epea amaitu baino lehen bukatu dut edo jadanik ez zait interesatzen baina beste bat hartu behar dut. Orduan itzul dezaket eta bestea hartu.

• On line edo Off line?

On line ikus ditzaket liburuan, baina horretarako wifi konexioa izan beharko dut.

Bestela ere, wifia dagoen toki batean deskargatu dezaket eta gero edonon (wifirik gabe) irakurri. Dena dela, epea agortuta berdin berdin desagertuko zait.

• Berritu dezaket?

Bai. Epea bukatzen ari denean (3 egun lehenago) plataformak berritzeko aukera emanen dit.