Iparralde DBHIn COVID-19ari aurre egiteko neurriak

2020/03/15

Coronavirus Disease 2019 Graphic. (U.S. Air Force Graphic by Rosario “Charo” Gutierrez)

Familia agurgarriak,

Dakizuen bezala martxoaren 16tik aurrera Iparralde DBHIn ez da klase presentzialik izanen. Hezkuntza Departamentuko jarraibideak jaso eta gero, Iparralde DBHI ikastetxean egoerari honela aurre eginen diogu.

1. Ikastetxea irekita egonen da martxoaren 16tik aurrera, 9:00etatik 14:00etara, zuzendaritza taldeko kide baten presentziarekin.

2. Langile guztiek etxetik lan eginen dute eta bertatik eginen zaie arreta familia eta ikasleei email bidez.

3. Ikasleentzako lanak prestatuko dira eta astelehenean webgunean publikatuko dugun eta emailez bidaliko dugun taula batean argitaratuko dira. Taula horretan ikasgai bakoitzean egin beharrekoa eta jarraibideak agertuko dira.

4. Egoerari aurre egiteko plangintza hau egunez egun aldatu ahalko da Gobernutik datozen jarraibdeak aldatzen diren heinean.

Ikasleei ulertarazi behar diegu ez direla opor egunak, eta hortaz egun lektiboak diren aldetik, bai irakasleek eta ikasleek lan ohitura batzuk mantendu beharko ditugu.

Hurrengo loturan egun hauei aurre egiteko zenbait gomendio dituzue:

Gomendioak

Hurrengo loturan 2020/03/15ean jasotako azken jarraibideak linkatzen ditugu.

Jarraibideak 2020/03/15

Barkatu eragozpenak eta eskerrik asko ulertzeagatik.     
Besterik gabe, ongi izan.