Inaugurazio festa 2018/12/20 - Iparralde DBHI - Ikasnova

Kurtso hasierako urduritasunak eta lan gainkargak pasata, lehenengo ebaluazioa bukatuta eta eguberritako oporren atarian egoteak ematen zigun lasaitasunak bultzatu gintuen,  abentura honen lehenengo garaietan lagundu gituzten guztiei eskerrak eman eta esku artean dugun jaio berri honen aurkezpena egitera.

Dagoeneko askok eskaera eginda ziguten zentrora bisitan etorri nahi zutela modu zuzen ala ez hain zuzenean, eta abenduaren 20an iritsi zen momentua guztiei aurkezteko dagoeneko errealitatea den ikastetxea. Hala ospatu genuen Iparralde DBHIko inaugurazio jaia. Hiru momentu ezberdin izan genituen ospakizunean, ekitaldi instituzionala eta ikasleen ekitaldia goizean, eta familien ekitaldea arratsaldean.

Goizeko ekitaldi instituzionalean Hezkuntza Departamentutik eta beste zenbait ikastetxeetatik etorritako jendearen bisita izan genuen. Eskainitako laguntzagatik eskerrak emateko garaia eta zentroari bisita egiteko parada izan genuen.

Ekitaldi instituzionalaean Mari Solana kontseilariak hitza hartu zuen momentua

Ondoren etorri zen ikasleen ospakizuna. Ikasleek protagonismo osoa izan zuten eta zuhaitz bat landatzeko. musikarako, dantzarako eta hitz batzuk egiteko aukera izan zuten. Iparraldeko DBH 1. mailako ikasleek musikako arloan sortutako batukadaren emanaldia izan genuen, Euskaraldirako sortutako kantu eskaini zigutelarik. Bestetik, irakasle eta ikasleen artean soka dantza eman genuen, Berezi eta Aimar aurresku eta atzesku lanetan aritu zirelarik.

Eta eguna ongi bukatzeko, arratsaldeko familien ospakizuna. Guraso Elkartearen esku gelditu zen ekitaldi hau. Bertan ikasleek goizean emandakoaren lagin bat ikusi ahal izan zuten gurasoek. Erraldoien bisita izan genuen eta txistorra eta salda beroa hartzeko aukera izan genuen.

Erraldoien emanaldia arratsaldeko saioan.

Hurrengo estekan egunean zehar ateratako argazki gehiago: albuma