DBH 4. mailako ikasleen agura - Iparralde DBHI - Ikasnova

Ekainaren 10ea izan genuen DBHko etapa guztia ikastetxean eman duen lehen promozioari agur esateko parada. Ekitaldi xumea izan zen baina momentu hunkigarriak bizi genituen. Fertxu Izquierdo irakaslearen eskutik joan zen ekitaldiaren gidaritza eta denetik izan genuen: zuzendaritzatik luzatutako hitzak eta bideoa, tutoreen hitzak, ikasleen hitzak, aurreskua, erraldoien dantza, koreografiak, zuzeneko musika, eta oroitza opariak ere bai.

Aurten bai, ospakizunak merezi zuen ekitaldi handiago eta parte hartzaileaagoa egiteko aukera izan dugu eta ikasleen senideek ere momentu hau haiekin partekatzeko aukera izan zuten.

Hemen duzue zuzendaritzatik Mariak, idazkariak, prestatutako bideo hunkigarria:

Talde guztietako kide batzuak hartu zuten mikrofonoa eskerrak emateko eta anekdotak kontatzeko:

Bestelako aktuazioan egon ziren. Musikako irakasleek, Itsasnek eta Maitanek, zuzeneko musika jarri zuten haien biolontxeloekin eta DBH 3. mailako ikasle talde handi batek aurreskua dantzatu zuten bilontxeloen musikaz lagunduta.

DBH 4. mailako ikasleek ere haien aktuazioak egin zituzten ekitaldia alaitzeko. Mikel eta Ibaik, ohitura den bezala erraldoiak dantzatu zituzten. DBH 4. mailako musikako ikasleek Ai ama kantatu eta dantzatu zuten animazio handia sortuz.

Amaitzeko taldeko argazkia egin zen, tutore eta ikasleek Iparralde DBHIko zapi gorria jantzirik.

Ekitaldiko argazki eta bideo gehiago ikusi nahi izatekotan hemen klikatu.