DBH 1eko ikasleak Fossile dantza obra ikustera joan ziren Donostiako Victoria Eugenia antzokira

2021/11/03

Urriaren 13an Donostiako Victoria Eugenia antzokian egon ginen DBH1ko ikasleekin. Ikastetxeak parte hartzen duen Planeta dantzan programaren barruan eskeintzen den ballet emanaldia ikustera joan ginen.

2018an, Mallandain Ballet Biarritz taldeak, Iruñeko Udaleko Ingurumen Hezkuntzako Lantaldeak eta Donostiako Cristina Enea fundazioak bat egin zuten ibilbide pedagogiko berritzaile bat diseinatzeko. Malandain Ballet-en errepertorioaren obretatik abiatuta, orduz geroztik, ikasturtez ikasturte ibilbide desberdinak eskeini izan dira. Artea eta ingurumena uztartzen dituen programa eskeintzen da: Planeta dantzan.

Fossile dugu ikasturte honetarako inspirazio izanen den koreografia eta ondorioz ere ikastetxean landuko dugun unitatearen izenburua. Ingurumen arloko sentsibilizazioa eta klima larrialdia eta horri erantzuteko beharra izanen ditu ardatz. Proiektuaren alderdietako bat eskolendako ballet emanaldia da.