Saio koreografikoa Malandain balleteko dantzariarekin

2019/10/18

Urriaren lehenengo egunetan ginela, Malandain ballet konpainiako dantzari bat izan genuen DBH 2. mailako ikasleekin Itsas-laminak proiektuaren inguruko saio koreografikoa egiten.

Gauza berria izan da guretzat proiektu baten barruan dantza uztartzea bigarren hezkuntzako ikasleekin eta oso aberasgarria iruditu zaigu.

Ikasleek saio hasieran Iruñeko Udaleko Ingurumen Heziketarako zerbitzuko pertsona batekin hizketaldia izan zuten plastikoak itsasoetara iristean sortzen ari diren arazoen inguruan eta ondoren, saio koreografikoari ekin zioten.

Zinez esperientzia polita izan zen denentzat.

Argazkiak ikusteko klikatu hurrengo loturan: Saio koreografikoa