DBH 4. mailako agurra - Iparralde DBHI - Ikasnova

Iritsi da agur esateko unea. Agur, edo gero arte. 3 urte pasa dira Iparralde institutuan zuen ibilbidea hasi zenutenetik eta jadanik prest zaudete zuen bizitzako hurrengo etapari hasiera emateko. Gurekin geldituko dira elkarrekin bizitako momentuak eta gure ikastetxean utzitako arrastoa. Bidaia on 2021eko promozioa!

zuzendaritza taldea

Ekainaren 4an izan genuen gure lehenengo promozioari agur esateko aukera. 3 ekitaldi xumeren bidez ikasleak agurtzeko aukera izan genuen eta momentu hunkigarriak bizi genituen hiru taldeetako bakoitzarekin. Josune zuzendari ordearen eskutik joan zen ekitaldiaren gidaritza eta denetik izan genuen: zuzendaritzatik luzatutako hitzak eta bideoa, tutoreen hitzak, ikasleen hitzak, dantzak, kantak eta bideoa, DBH 3. mailakoen bertsoak eta dantza, musika irakasleen zuzeneko musika, eta oroitza opariak ere bai.

Tamalez ezin izan genuen ospakizunak merezi zuen ekitaldi handi eta parte hartzailea egin eta badakigu jende asko gelditu zela bertaratu ezinik. Horregatik ekartzen dizuegu hona bertan bizitako momentutxo batzuk:

Hemen duzue zuzendaritzatik Mariak, idazkariak, prestatutako bideo hunkigarria:

4Ako ikasleen artean Berezi, Maria, Zutoia eta Lorea ikasleek hitz batzuk luzatu zizkieten bere ikaskide eta irakasleei:

4Bkoek nahiago izan zuten bideo bat prestatu haien ikaskideei eta irakasleei egindako inkesta batzuetatik abiatuz:

4Cko neska taldetxo batek haien ikasle guztiei eta irakasleei ere zuzendutako hitz batzuk egin zituen.

DBH 3. mailako ikasleek bertso batzuk prestatu zituzten DBH 4. mailakoentzat haien bizipenekin, musikako irakaslearen laguntzaz. Bertsoetan haien bizipenak kontatzen dituzte ironiaz, baina maitasunez eginda.

Eta nola ez, dantzarako parada ere egon zen ekaitaldietan. 4Akoen txandan taldeko 3 ikaslek haien ikaskideei dantzatu zieten Ciara ikasleak aurreskua a capella kantatzen zuen bitartean, eta 4B eta 4Ckoen kasuan 3. mailako neska talde baten eskutik heldu zen dantza.

Ekitaldiak oroigarrien banaketarekin bukatu ziren: jaiak behar bezala ospatzeko aukera dugunean Iparralde DBHIko zapi gorria eta promozioko ikasleen argazkia.

Eguneko argazki gehiago ikusi ahal izateko egin klik hurrengo estekan: DBH 4.mailakoen agurraren argazki albuma

Gora Iparralde DBHIko 2021eko promozioa!

Biba zuek!